អង់គ្លេស៖ ស្ពានដ៏ល្បីល្បាញបំផុតមួយនៅលើពិភពលោក Tower Bridge នៅទីក្រុងឡុងដ៍ដែលធ្លាប់តែដំណើរការជាធម្មតាអាច បើកដើម្បីអនុញ្ញាតឱ្យកប៉ាល់ឆ្លងកាត់ស្ពាននោះបាន ហើយបិទវិញសម្រាប់អ្នកធ្វើដំណើរផ្លូវគោកក៏អាចធ្វើដំណើរបាន បានជាប់គាំងតាំងពីរសៀលថ្ងៃច័ន្ទ។

នេះគឺជាលើកទី២ហើយក្នុងរយៈពេលជាច្រើនឆ្នាំមកហើយដែលស្ពាននៅទីក្រុងឡុងដ៍ Tower Bridge ជាប់គាំង។ កំហុសបច្ចេកទេសមួយបានធ្វើឱ្យប៉មស្ពាននៅចំហរ-វាជាការល្អសម្រាប់អ្នកធ្វើចរាចរតាមផ្លូវទឹក ប៉ុន្តែវាបានធ្វើឱ្យមានការកកស្ទះចរាចរណ៍ផ្លូវគោកដែលបណ្តាលឱ្យរថយន្តតូចធំទាំងសងខាងស្ពានកកស្ទះជាច្រើនម៉ោង។ មន្ត្រីទីក្រុងឡុងបាននិយាយថាខ្លួនកំពុងធ្វើការដើម្បីដោះស្រាយបញ្ហានេះឱ្យបានឆាប់តាមតែអាចធ្វើទៅបាននៅថ្ងៃអង្គារ។ មានបញ្ហាស្រដៀងគ្នាកាលពីខែសីហាកន្លងដែរ ដែលស្ពានដ៏ល្បីល្បាញបំផុតមួយនៅលើពិភពលោកមួយនេះ ត្រូវចំណាយពេលតែជាង ២៤ម៉ោងដើម្បីដោះស្រាយបញ្ហា។

ចាប់តាំងពីឆ្នាំ ១៩៧៦ ស្ពានដែលមាន២ សងខាងនេះ ឬដូចគេធ្លាប់គេហៅថា “បាសឃ្យូល” បានដំណើរការដោយម៉ាស៊ីនអេឡិចត្រូនិចដែលជំនួសឧបករណ៍ដែលដំណើរការដោយចំហាយទឹកដើមដែលមានអាយុកាលតាំងពីទសវត្សរ៍ឆ្នាំ ១៨០០៕